TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Olivie Zhiru është gati të kthehet në Europë. Në orët e fundit, nëpërmjet një deklarate zyrtare nga Los Angeles FC, sulmuesi i tha lamtumirë klubit, MLS dhe Shteteve të Bashkuara për t’u larguar diku tjetër.
“Dua të falënderoj të gjithë tifozët, shokët e mi të ekipit dhe stafin në LAFC që e bënë këtë fazë të karrierës sime kaq të këndshme”, tha Zhiru. “Jam i lumtur që kam kontribuar në suksesin e LAFC. Nga fitimi i një trofeu sezonin e kaluar deri te pjesëmarrja në Kupën e Botës për Klube, ka qenë një përvojë e mrekullueshme në Los Angeles për mua dhe familjen time.”
Kontrata që e lidhte atë me LAFC deri më 31 dhjetor 2025 është zgjidhur. Sipas thashethemeve të fundit, ai do të nënshkruajë një kontratë dyvjeçare me Lilë (deri në vitin 2027), e cila përfundoi e pesta sezonin e kaluar në Ligue 1 dhe do të marrë pjesë në Ligën e Europës vitin e ardhshëm. Klubi francez po kërkonte një lojtar me përvojë për të udhëhequr skuadrën e re, dhe mbi të gjitha një zëvendësim për Xhonatan David, i cili u largua si lojtar i lirë. Zhiru ka luajtur tashmë në Ligue 1 në karrierën e tij, me Montpellier, përpara se të transferohej në Premier Ligë te Arsenal. Në vitin e kaluar në LA, ai shënoi vetëm 5 gola në 37 paraqitje në të gjitha garat.
