TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas dramës së tensionuar në jetën reale, Xhoshua Kimish mendon për fëmijët para televizorit dhe shpreson që të gjithë prindërit, përfshirë edhe bashkëshorten e tij, të mos kenë qenë shumë të rreptë. Deri në minutën e 89, dukej sikur gjysmëfinalja mes Bajernit dhe Real Madrid do të shkonte në kohë shtesë. Do të kishte qenë një mbrëmje e gjatë e Ligës së Kampionëve nëse Luis Diaz dhe Olise nuk do të kishin shënuar për 4-3, duke qenë me një lojtar më shumë. Dy golat e vonshëm çliruan 75,000 spektatorët në Alianz Arena dhe të gjithë tifozët e Bajernit në shtëpi.
“Mendoj se ia vlejti të ndiqej deri në fund. Shpresoj që të gjithë fëmijët në Gjermani u lejuan të rrinin zgjuar pak më gjatë,” tha Kimish pas kualifikimit duke iu referuar edhe fëmijëve të tij: “Shpresoj që gruaja ime e la djalin të rrinte zgjuar pak më gjatë.” Dhe të enjten, ai mund të lejohet të shkoj në shkollë “vetëm për orën e tretë.” Kimish foli për “shumë dramë”. Bashkëshortja e tij Lina ndoshta nuk ishte aq e rreptë për këtë spektakël.
“Sigurisht, nuk e nisëm siç kishim shpresuar. Por në pushimin e pjesës së parë e dinim se sa më shumë të zgjaste ndeshja, aq më shumë avantazhi do të ishte në anën tonë,” tha ai. Ai nuk e pa Bajernin në formën e tij më të mirë atë mbrëmje. “Bëmë shumë gabime. Por sot do ta marrim fitoren,” shpjegoi 31 vjeçari, duke shtuar: “Nuk duhet të harrojmë që në fund fituam. Po kalojmë më tej me dy fitore.”
Tani, pas dy javësh, vjen përballja e madhe në gjysmëfinale kundër kampionëve në fuqi Paris SeintZhermain. “Besoj se dy ekipet më të mira në Evropë për momentin do të përballen në gjysmëfinale,” tha Kimish për ndeshjet e 28 prillit dhe 6 majit, ku Bajerni do të ketë avantazhin e fushës në ndeshjen e kthimit. Parisi është “në formë shumë të mirë. Duhet thënë se ata gjithmonë duket se arrijnë kulmin në momentet vendimtare. Me të vërtetë mezi pres të dyja ndeshjet,” parashikoi Kimish. Kur u pyet nëse trofeu i Ligës së Kampionëve do të shkoj vetëm te Bajerni, mesfushori theksoi: “Është e qartë se do të vijë tek ne vetëm nëse jemi në gjysmëfinale.”
