TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Shqipëria U-21 humbi ndeshjen përballë Republikës Çeke (0-1), në një duel të vendosur nga autogoli i mbrojtësit Kalaj në pjesën e parë, takim ky i vlefshëm për kualifikueset e Europianit “Euro 2023” për 21-vjeçarët.
Pjesa e parë do të ishte më e qetë mes dy ekipeve, ndërsa një autogol i Kalajt në minutën e 35-të do t’i jepte avantazhin kundërshtarëve, do të mbyllej 1-0 për miqtë.
Në pjesën e dytë kuqezinjtë e Alban Bushit do të ishin më kërkues, ku iu afruan barazimit me atë të Ndreckës, Muçin dhe Karricën por pa mundur të gjenin edhe rrugën e rrjetës.
Ndërkohë nga krahu tjetër u përgjigj Çekia me Sejk, i cili vendosi në provë portierin Simoni nga goditja e dënimit, me gardianin e Dinamos që reagoi siç duhet.
Edhe në dy raste të tjera portieri Simoni do të bënte rolin e “shpëtimtarit” teksa mbrojti portën e tij nga gola të sigurt.
Kjo humbje zbeh shpresat e kombëtares së U-21 për të tentuar edhe kualifikimin, teksa deri tani kanë arritur të grumbullojnë 9 pikë në grupin G, ndërkohë çekët me këtë fitore shkojnë në kuotën e 16 pikëve në vendin e parë në grup.
