TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Debutimi i Igor Tudor si trajner i Totenhemit nuk ishte aspak i lehtë, Spurs u shkatërruan 4-1 nga Arsenali në Derbin e Londrës Veriore, pavarësisht disa shenjave pozitive, siç është entuziazmi i ri i Randal Kolo Muanit.
I ardhur si “zjarrfikës” për të zëvendësuar Tomas Frank dhe i emëruar deri në fund të sezonit, trajneri kroat e gjeti veten duke drejtuar një ekip në krizë, Totenhem ishte i gjashtëmbëdhjeti në Premier Ligë dhe tashmë i eliminuar nga Kupa FA dhe Kupa e Ligës. Pas humbjes kundër “Topçinjve”, ai foli për mediat.
“Duhet të punojmë. Kemi zhvilluar shumë zakone të këqija në të kaluarën. Secili prej nesh duhet të sfidojë veten, të përmirësohet dhe të tregojë përulësi. Gjithçka ka të bëjë me punën e palodhur, të vraposh më shumë, të fitosh duele, të rikuperosh topat e dytë. Ne u përgatitëm për katër ose pesë ditë, por ata ishin më të shpejtë. Lojtarët treguan vendosmëri, donin të vraponin dhe të bënin lojëra, por ne ushtruam presion lart pa arritur ta rikuperonim topin. Ata janë më të fortë, kanë më shumë fuqi dhe energji. Ata besojnë më shumë në vetvete dhe kjo bën diferencën. Duhet të mësojmë nga kjo”, përfundoi ai.
