TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Milani është mposhtur 0-2 në "San Siro" nga Çelsi në ndeshjen e katërt të grupit E në Champions League
Ndeshja nisi keq për kuqezinjtë, pasi Tomorri ndërhyri keq ndaj Mount dhe gjyqtari akordoi penallti. Nga pika e bardhë, Jorgino u tregua i saktë.
Goli i dytë erdhi nga Aubameyang. Kjo humbje e lë Milanin në vendin e 3-të me katër pikë, dy pikë më pak se Salzburg dhe tri pikë më pak se Çelsi i vendit të parë.
Ndërkohë, në Grupin H, PSG dhe Benfika kanë ndarë pikët duke barazuar 1-1 dhe i prishur punë Juventusi që tashmë është pothuajse jashtë Champions.
Golat u realizuan nga penalltitë. Fillimisht Mbappe realizoi 40′, ndërsa Joao Mario barazoi më 62′.
PSG dhe Benfica mbajnë kreun me nga 8 pikë, Juve e 3-ta me 3 pikë po aq sa ka dhe Maccabi Haifa.
Në Grupin F ndodhi befasia. Shakhtar Donetsk ndali Real Madrid në 1-1. Zubkov 46′ realizoi për vendasit, ndërsa në limit spanjollët realizuan me Rudiger.
Reali mbetet i pari me 10 pikë, ndërsa Shakhtar i 2-ti me 8 pikë.
Borusia Dortmund dhe Sevilja kanë ndarë pikët (1-1) në duelin e sotëm në Ligën e Kampioneve të luajtur në Gjermani.
Spanjollët gjetën golin të parët me anë të Nianzu e më pas ishte Bellingem i cili barazoi shifrat. Por rezultati nuk ndryshoi më deri në fundin e sfidës dhe kështu, gjithçka mbeti e hapur për pozitat në grup.
Gjithsesi, Mançester Siti tashmë është automatikisht i kualifikuar, pasi barazimi i sotëm i mjaftoi për të krijuar distancën nga skuadrat që janë në dy vendet e fundit për të qenë i qetë se do të vazhdojë në fazën me eliminim direkt të turneut.
