TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia zvicerane ka gjetur në një banesë në Zyrih trupin e pajetë të një gruaje, dhe sipas hetimeve paraprake ajo është vrarë më armë të ftohtë.
Pak më vonë është arrestuar në Kantonin St. Gallen personi i dyshuar për vrasje, që është bashkëshorti i gruas së vrarë. Mediat në zvicër shkruajnë se viktima 34 vjeçe dhe bashkëshorti i saj janë shtetas të Maqedonisë së Veriut dhe krimi ka ndodhur në prani të fëmijës së mitur.
I akuzuari, Ilir B., kishte edhe më parë në konflikt me ligjin. Në shkurt të vitit 2018 ai ishte akuzuar për ushtrim dhune dhe kërcënim ndaj bashkëshortes. Atë kohë ai ishte arrestuar dhe i ishte ndaluar që të afrohej shtëpisë së bashkëshortes.
Në mëngjesin e së të dielës, më 25 gusht, katër javë pas mbarimit të masës për ndalim kontakti, ai kishte provuar të vendoste kontakt me gruan, me të cilën e kishte dhe një fëmijë.
Po atë ditë, policia kishte marrë edhe dy telefonata, sipas të cilave 37-vjeçari sërish ishte paraqitur në Dietikon, por policët që ishin mobilizuar, nuk e kishin gjetur aty.
Rrethanat e sakta dhe motivet e vrasjes janë ende të paqarta. Ato janë objekt i hetimeve që po zhvillohen nga ana e Prokurorisë në bashkëpunim të ngushtë me Policinë e Zyrihut.
