Një familje në një fshat të Përrenjasit ka ngelur në qiell të hapur, pasi banesa e saj është shkrumbuar nga flakët.
Ngjarja në fjalë ndodhi gjatë mesnatës, në fshatin Rrajcë Fushë në Përrenjas. Mësohet se tashmë familja e shtetasit me inicialet N.Ç., 56 vjeç, ka ngelur pa strehë, pasi gjithçka u shkrumbua, ndërsa fatmirësisht nuk pati të lënduar.
Grupi hetimor po punon për zbardhjen e plotë të shkakut të ngjarjes, ku paraprakisht dyshohet se zjarri ka ardhur nga shkëndijë elektrike.
Ndërkohë edhe vet familjarët nuk pretendojnë që zjarri të ketë qenë i qëllimshëm.