LEXO PA REKLAMA!

SHKARKO APP

App Store
Google Play
MERR NJOFTIME NGA TPZ.AL
NDIQ TPZ NE YOUTUBE NDIQ TPZ NE FACEBOOK

TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.

FLASH!

SPORT, 27 Tetor 2020, 19:34

“S’e kuptoj si e kanë blerë Muriqin”, gazetari italian ngre kritika kundër Lacios: Me 20 milionë euro do të merrja një mbrojtës

TPZ

Transferimi i sulmuesit të Kosovës Vedat Muriqi nga Fenerbahçe te Lacio ka ngjallur kritikat e para në Itali. Gazetari italian i “Rai Sport” Stefano Matei e konsideroi të pakuptimë blerjen prej 20 milionë eurosh të Muriqit.

Ai e konsideron 26-vjeçarin një dëstim si “Filip Kaisedo”.

“Liga e Kampioneve të konsumon shumë energji në aspektin fizik dhe mendor. Duhet të kuptojmë se Lacio ka shumë lojtarë të dëmtuar që e bën të vuajë në kampionat. Blerjes e reja? Flares nuk më duket i jashtëzakonshëm, vrapon shumë në krah, por nuk arrin të japë pasimin e fundit. Eskalante më duket lojtar i mirë, po ashtu dhe Akpa. Sinqerisht, nuk arrij ta kuptoj blerjen e Muriqit, për më tepër se si i shpenzuan 20 milionë euro. Ai më ngjan si ‘Kaisedo i bardhë’. Kam dyshime të mëdha se mund të ndryshojë fytyrën e ekipit. Do të kisha shpenzuar ato para për të blerë një mbrojtës, një transferim me parametër zero për sulmin do të ishte perfekt. Ndeshja kundër Klub Bryzhit varet nga Lacioja. Nëse hyjnë në fushë të përqëndruar nuk mendoj se do të jetë problem për ta”, deklaroi gazetari italian Stefano Matei.