TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Juventusi ka fituar sot Superkupën e Italisë, në një ndeshje që është vendosur nga një gol i Kristiano Ronaldos, në pjesën e dytë të duelit që nuk ka qenë edhe aq spektakolar sa pritej.
Juventusi krijoi më shumë në pjesën e parë dhe iu afrua golit me disa tentativa drejt portës së Donarumës.
Në fillimin e pjesës së dytë, Milani mund të shënonte golin e avantazhit me Kutrone, i cili goditi traversën nga një pozicion i favorshëm. Ky episod zgjoi i Juventusin të cilit iu deshën pak minuta për të gjetur golin e avantazhit.
Pasim milimetrik i Pjaniç dhe gol me kokë i Ronaldos i vetëm para Donarumës, me dyshimet për pozicionin e portugezit në momentin e harkimit. Por VAR zyrtarizoi gjithçka dhe Juventusi e pa veten në avantazh, duke u përpjekur më pas të administronte rezultatin.
Gatuzo vendosi të shtonte forcën në sulm duke hedhur edhe Higuain në fushë, por pak minuta më vonë plani i tij u prish nga kartoni i kuq i Kesi që la Milanin me 10 lojtarë e bëri thuajse të pamundur rikuperimin nga kuqezinjtë të cilët nuk kishin forca të përballeshin me administrimin që i bëri lojës Juventusi.
Bardhezinjtë shkuan të qetë drejt vërshëllimës finale, duke marrë fitoren dhe trofeun e parë për vitin 2019.
