AKTUALITET, 23 Maj 2021, 12:44

FOTO/ Protestë në Tiranë kundër abuzimeve seksuale: “Mos ma vrit fëmijërinë, eduko djalin!”


Ditën e sotme në kryeqytet, është mbajtur një protestë kundër abuzimeve seksuale.

Qindra qytetarë kanë marshuar me pankarta në duar, duke bërë thirrje kundër abuzimeve seksuale dhe sensibilizimin e shoqërisë ndaj këtij fenomeni. Protesta ka marrë shkasë nga abuzimi i fundit tronditës, i një 15 vjeçare në Mirëditë, e cila u përdhunua nga disa burra.

Mes protestuesve kishte edhe aktivistë të shoqërisë civile.

“Përdhunues si i shikon në sy fëmijët e tu?”, “Mos ma vrit fëmijërinë, eduko djalin”; “Ne jemi me ty”; “Ti s’je vetëm” e parulla të tjera të ngjashme janë shfaqur në protestë nga pjesëmarrësit.