AKTUALITET, 1 Nëntor 2017, 14:09

Profili i Sayfullo Saipov, nga shofer kamioni në terrorist

TPZ

Corey Kilgannon dhe Joseph Goldstein për New York Times / Përgatiti: TPZ.AL

Sayfullo Saipov mbërriti në SHBA në vitin 2010, fillimisht në shtetin e Ohios.

"Babai ma prezantoi si një njeri që sapo kishte mbërritur në SHBA dhe do të qëndronte me ne", tha 22 vjeçari, Bekhzod Abdusamatov.

Saipov, i dyshuar si terroristi që vrau 8 persona në New York, erdhi në Amerikë nga Tashkent, kryeqytetit i Uzbekistanit. Ai dinte shumë pak anglisht dhe në ditët e para pas mbërritjes në SHBA, filloi të kërkonte punë dhe të mësonte anglisht.

Më pas Saipov u shpërngul në Florida, ku filloi të punonte si shofer kamioni. "Ai ishte një njeri shumë i mirë kur e takova. I pëlqente shumë Amerika dhe ndihej me fat që ishte këtu. Nuk më dukej si terrorist megjithëse nuk e njihja mire", u shpreh miku i tij Kobiljon Matkarov.

Pak pas fillimit të hetimeve për Sayfullo Saipovin, autoritetet e kishin të qartë se ai nuk ishte një person i panjohur dhe kishte qenë në radarët e autoriteteve federale. Tre zyrtarë thanë se emri i tij përmendej në një investigim tjetër, por nuk dihet nëse ai lidhet me këtë investigim për shkak të personave me të cilët shoqërohej, apo ai vetë ishte fokusi i investigimit.

Gjatë dy viteve të fundit, FBI dhe Departamenti i Sigurisë Kombëtare, kanë hetuar dhe kanë ngritur akuza për pesë qytetarë nga Uzbekistani, të cilët kishin suportuar grupin terrorist, ISIS. Mbetet e paqartë nëse Saipov ishte mes këtyre personave.

Saipov kishte fituar një green card dhe ishte futur në SHBA nga aeroporti "Kennedy International".

Një nga shefat e kompanisë së taksive Uber, ka deklaruar se Saipov kishte kaluar testin që ata bëjnë për shoferët.

"Ne po investigojmë historikun e tij në kompaninë tonë, Uber, por deri në këto momente nuk kemi gjetur asnjë të dhënë shqetësuese në punën e tij" u shpreh një nga shefat e Uber.