TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia ka kapur në flagrancë 29 vjeçarin Saimir Kroi banues në Maliq me 11 kg marijuanë.
Kroi kishte mbështjellë me qese plasmasi 9 kg drogë, ndërsa gjatë kontrollit në banesë iu gjet edhe 2 kg.
Policia ka nisur hetimet për të zbuluar perona të tjerë të përfshirë në trafikun e drogës.
Njoftimi i policisë:
Maliq
Goditet një rast i "Prodhimit dhe shitjes së narkotikëve".
Arrestohet në flagrancë poseduesi.
Sekuestrohet rreth 11 kg lëndë e dyshuar si narkotike Cannabis Sativa.
Në vijim të punës për goditjen e veprimtarisë kriminale, nga Sektori për Hetimin e Krimit, në Drejtorinë Vendore të Policisë Korçë është goditur një tjetër rast në fushën e prodhimit dhe shitjes së lëndëve narkotike, si rezultat i të cilit u bë kapja dhe arrestimi në flagrancë i shtetasit:
Saimir Kroi, 29 vjeç, banues në fshatin Vreshtas-Maliq.
Shtetasi i mësipërm është kapur në flagrancë nga shërbimet e Policisë, në fshatin Vreshtas, me një qese plasmasi të madhe, brenda së cilës iu gjet dhe sekuestrua në cilësinë e provës materiale një sasi prej:
9 kg lëndë e dyshuar si narkotike Cannabis Sativa, sasi kjo e ndarë në pako.
Gjithashtu nga kontrolli i ushtruar në banesën e tij, iu gjet një sasi tjetër me peshë 2 kg lëndë e dyshuar narkotike Cannabis Sativa.
Po punohet për të identifikuar personat e tjerë të implikuar në këtë ngjarje.
Materialet i kaluan Prokurorisë të Rrethit Gjyqësor Korçë për veprën penale bazur në nenin 283 të Kodit Penal. TPZ.AL
