TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Cristiano Ronaldo beson se u injorua gabimisht për çmimin goli i vitit të FIFA-s dhe pohon se goli i tij me gërshërë për Real Madridin kundër Juventusit sezonin e kaluar ishte më i bukuri nga të gjithë.
Portugezi ishte në listën e ngushtë për çmimin “Puskas” bashkë me Gareth Bale, i cili po ashtu u nominua për golin me gërshërë në finale të Ligës së Kampionëve, si dhe me Mohamed Salahun për golin e tij ndaj Evertonit në Premierligë.
Për befasi Salah e fitoi çmimin për golin e vitit të FIFA-s gjatë një ceremonie në Londër, në të cilën Ronaldo nuk mori pjesë dhe po ashtu u mposht nga Luka Modric për çmimin lojtari i vitit i FIFA-s.
Ronaldo s’mori pjesë në ceremoni, por gjatë një sesioni pyetje & përgjigje në llogarinë e tij zyrtare në Instagram, Ronaldo foli për çmimet që s’iu dhanë.
“Salah e meritoi çmimin ‘Puskas’, shënoi një gol të bukur”, tha 33-vjeçari.
“Por, të jemi të sinqertë, të mos e gënjejmë veten, goli im ishte më i bukuri”, shtoi ai.
“Nuk jam i zhgënjyer, kështu e ka jeta, nganjëherë fitojmë ne e tjerët humbin”, theksoi ai.
