TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Portali syri.net raporton se në zyrat e tyre ka zbarkuar policia e shtetit, pas publikimit të lajmit se në Tiranë do të ketë një tërmet. Drejtuesit e këtij portali, e konsiderojnë këtë mësymje, një sulm ndaj fjalës së lirë, duke përdorur një pretekst, për ta mbyllur këtë portal.
Portali kishte kërkuar ndjesë për lajmin e publikuar, por autoritetet kanë zbarkuar në zyrat e tyre. Mësohet se është ndaluar gazetari Aurel Rakipllari. Gjithashtu raportohet se është ndaluar një gazetare e Shekullit, Daniela Grica.
Më herët, Ministrja e Mbrojtjes, paralajmëroi burg për personat që kanë botuar lajmin.
Njoftimi i policisë për gazetarët e ndaluar:
Menjëherë pas publikimit të një lajmi të rremë në portalin "SYRI.net" dhe më pas edhe në disa portale të tjera, se sipas parashikimeve të një sizmologu grek do ketë në orën 23.30 një tërmet të fuqishëm, lajm i cili shkaktoi panik të madh tek qytetarët të cilët braktisën banesat dhe dolën në rrugë, Shërbimet e Drejtorisë Vendore të Policisë Tiranë kanë shoqëruar në Polici gazetarin e portalit "SYRI.net", Aurel Rakipllari dhe gazetaren Daniela Grica e "Shekullit", për veprime të mëtejshme, të cilët kanë bërë publikimin e këtij lajmi të rremë, me pasoja paniku te qytetarët.
Policia e Shtetit ka ngritur nëj grup të posaçëm hetimor për të bërë të mundur zbardhjen e plotë të autorësisë së këtij lajmi dashakeq që krijojë frikë e panik tek qytetarët.
Policia e Shtetit ju bën thirrje qytetarëve që të ruajnë qetësinë dhe të mos bien pre e njoftimeve dashakeqe dhe siguron ata se cilido që do përhapë njoftime të tilla do të përballet me forcën e ligjit.
Policia e Shtetit kërkon mirëkuptimin e medias që të tregohen më të kujdesshëm në njoftimet që shpërndajnë, duke kërkuar informacion zyrtar para publikimeve të lajme që krijojnë frikë e panik tek qytetarët.
/TPZ.al/
