TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mbretëresha Elizabeta II ka pranuar kërkesën e kryeministrit Boris Johnson për pezullimin disaditor të punimeve të Parlamentit, me qëllim që t’u ndalohet me çdo kusht deputetëve në Westminster shtyrja e çanëtarësimit të vendit nga Bashkimi Evropian, i parashikuar të ndodhë më datë 31 tetor.
Shumë kritikë e kanë quajtur vendimin si “një akt të egër” dhe paralajmëruan se mund të shkohet drejt një votë mosbesimi ndaj Johnson-it, që mund të sillte për rrjedhojë edhe kolapsin e qeverisë së porsaformuar.
Por disa të tjerë e mbrojtën këtë veprim, duke thënë: “është koha që një qeveri e re dhe Kryeministri i ri të përcaktojnë një plan për vendin pasi të largohemi nga BE”.
Ideja e mbylljes së Parlamentit – i njohur si ‘prorogation’ – ka shkaktuar polemikë, me kritikët duke thënë se kjo do t’i ndalojë deputetët të luajnë pjesën e tyre demokratike në procesin e Brexit.
Një numër i figurave të profilit të lartë, përfshirë ish-kryeministrin John Major, kanë kërcënuar të shkojnë në gjykatë për ta ndaluar këtë.
Laura Kuenssberg tha që vetëm një numër i vogël i ministrave të qeverisë kishin dijeni paraprakisht për planin dhe kjo do të shkaktojë në mënyrë të pashmangshme një përplasje të madhe.
