TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish-deputeti i Partisë Demokratike, Astrit Patozi ka vendosur të dalë kundër të gjithëve, por veçanërisht sulmin e tij të sotëm ai e ka drejtuar ndaj PD-së e LSI-së.
Sipas tij, këto dy parti do të shkërmoqen njësoj si drejtësia në vend.
Ja çfarë shkruan Astrit Patozi:
PËR ATA QË PO PËRPIQEN TË NDALIN TËRMETIN
Tri ngrehina të kalbura të sistemit tonë politik po shkërmoqen dita- ditës dhe fare qartazi përpara syve tanë.
Ato janë drejtësia, partia e Lulit dhe LSI-ja.
"Rilindja", po aq e molepsur, po përpiqet me shpirt ndër dhëmbë të mbahet pas "tepsisë" së pushtetit për të fshehur më kot faktin e njohur botërisht se po kalon të njëjtën krizë.
Por e ka të pamundur, sepse procesi i dekompozimit është i pandalshëm dhe i pakthyeshëm.
Në këtë reaksion zinxhir të rënies është njësoj si të përpiqesh të ndalësh tërmetin, pas paralajmërimit të shërbimit sizmiologjik.
Ndaj e vetmja shpresë për Shqipërinë është një politikë e re, e cila nuk ka asnjë lidhje me gërmadhat e sistemit, që po rrëzohet, herë pa zhurmë, e herë me rënkime.
