TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas zhvillimit të operacioneve të policisë në disa qytete të Shqipërisë kundër grupeve kriminale ka ardhur reagimi nga ambasadori i BE-së në Shqipëri.
Përmes një postimi në Twitter, Luigi Soreca vlerëson operacionin e ndërmarrë nga Policia e Shtetit dhe thekson se tashme pret të shohë edhe vazhdimin e ndjekjeve penale dhe dënimeve.
“”Ne mirëpresim operacionin masiv anti droge të ndërmarrë në disa qytete nga policia e Shqipërisë. Të luftojmë kundër krimit të organizuar dhe trafikimit të drogës në Shqipëri është prioritet i Bashkimit Europian.
Presim që ndjekjet penale dhe dënimet të vazhdojnë me rezultate të qëndrueshme”- shkruan ai.
Në operacionin e antidrogës në Shijak e Durrës u arrestuan tre vëllezërit Avdyli, të njohur edhe si të fortët e Shijakut. Ne pranga u vunë Astrit Avdyli, Flamur Avdyli dhe Shkëlqim Avdyli, kushëriri i parë, Jasim Avdyli së bashku me H. Hoxha, të dënuar në Turqi për trafik heroine dhe mbi 20 persona të tjerë.
Ndërsa për Klement Balilin u zhvilluan dy operacione, një në Shkodër e tjetri në Sarandë por pa sukses. Ambasadori i BE-së kërkon të vazhdoi puna e policisë kundër krimit të organizuar pasi është prioritet për integrimin.TPZ.AL
