TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri i Italisë, Giuseppe Conte ka prezantuar sot ne nje konference per shtyp dekretin e ri që hyn në fuqi prej 4 majit dhe pritet të firmoset sonte: “Fillon Faza 2 dhe tani duhet të jetojmë me virusin”.
“Sjellja e përgjegjshme e secilit prej nesh do të jetë themelore: nuk duhet të afrohemi kurrë, distanca e sigurisë duhet të jetë së paku një metër. Çështja eshte të mbajmë distancën shoqërore ose të rrisim kurbën. Nëse e doni Italinë, mbajeni distancën” tha Conte.
Conte shtoi se sëbashku me të gjithë ekipin e ministrave janë të angazhuar për rimëkëmbjen, për të ndryshuar gjithçka që është e gabuar.
Gjithashtu Conte theksoi se, në 4 maj, skuadrat mund të rinisin stërvitjet individuale në 4 maj, ndërsa në 18 maj mund të kryhen stërvitjet në grup. Gjatë kësaj faze të dytë, lojtarët duhet të qëndrojnë në distancë 2 metra larg njëri-tjetrit, ndërsa do të vendosen tamponë dhe do të kryhen analiza të gjakut për të analizuar gjendjen shëndetësore të secilit prej tyre.
Mekanizmi i kontrollit të kurbës
Rajoni e provinca do të komunikojnë çdo ditë situatën e kurbës së infektimit. Në çdo 3 ditë një ekip ekspertësh i Ministrisë së Shëndetësisë do të analizojë ecurinë e territorit e do të marrë masa për hapje ose mbyllje.
50 cent çmimi për maskat kirurgjikale
Ai tha se çmimet e maskave do të fiksohen dhe kontrollohen.
“Në një dekret të ardhshëm ne duam të eliminojmë TVSH dhe maskat duhet të kushtojnë 0.5 euro”.
Rinovimin automatik të bonusit 600 euro
“Ndërhyrjet po studiohen në kompani. Italia nuk do të rindizet nëse biznesi nuk rindizet. Për ata që e kanë marrë tashmë bonusin 600 euro, ne po eksperimentojmë me mundësinë e një rinovimi automatik. Në dekretin tjetër do të ketë më shumë ndihma për kompanitë, qëllimi nuk është subvencione por më shumë punësime”.
Nga 4 maji lejohen ceremonitë e varrimit
Nga 4 maji do të lejohen funeralet por me një maksimum prej 15 personash me maska dhe distanca.
Aktivitete fizike me distancë
“Ne garantojmë qasje në vendet publike siç janë parqet, në diskrecionin e administratave lokale. Aktiviteti fizik do të jetë i mundur me një distancë prej 2 metrash për aktivitete konkurruese dhe 1 metër për ato të thjeshtë. Dritë jeshile për trajnimet duke mbajtur distancën”.
Nga 4 maji hapen industritë prodhuese dhe restorantet me Delivery
Conte njoftoi se do të hapen industritë prodhuese duke respektuar të gjitha protokollet e sigurisë si dhe restorantet të cilat do të funksionojnë me porosi online, pra do të dërgojnë ushqim në shtëpi.
Tregtia me pakicë do të rihapet nga 18 maji, baret, parukeritë dhe qendrat estetike nga 1 qershori
Conte njoftoi se tregtia me pakicë do të rihapet nga 18 maji. Gjithashtu do hapen edhe 18 muze, ekspozitat dhe mundësia e stërvitjes për sportet në ekip. Nga 1 qershori hapen gjithashtu bare, restorante, parukieritë dhe qendrat estetike.
Çfarë përcakton dekreti që hyn në fuqi prej 4 majit?
– Nuk lejohet lëvizja nga një rajon në tjetrin, lejohet lëvizja vetëm brenda rajonit për motive pune, shëndeti e për të takuar të afërmit.
– ndalohen grumbullimet, eventet e festat private e publike
-hapen parqe e vila publike e historike
– lejohet akriviteti sportiv në natyrë në distancë 2 metra nga njëri-tjetri
– lejohet stërvitja e sportistëve në respekt të masave të distancimit social në sporte jo kolektive
– lejohet ceremonia e varrimit me maksimumi 15 persona
– lejohet aktiviteti i bareve e restoranteve për të marrë ushqim ose për të trasportuar, por jo për konsum.
– më 4 maj hapen aktivitete në sektorin e manifakturës, në sektorin e ndërtimit e në ato të shitjes me shumicë.
– protokoll sigurie për mjetet e transportit publik
– protokoll sigurie për punëtorët e sektorit të ndërtimit
-më 18 maj lejohet hapja e çdo aktiviteti tregtar, dyqane, muzeve, ekspozita , biblioteka
– lejohen të hapen më 1 qershor parukeri, qëndra estetike, bare e restorante.
