TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Anëtarja e Komitetit Teknik të Ekspertëve, mjekja pediatre-infeksioniste Gjeorgjina Kuli-Lito ka folur për situatën e COVID-19 me fëmijët në mbledhjen e sotme.
Ajo tha se nga fillimi i pandemisë janë regjistruar 3500 raste pozitive, nga të cilët 5% me komplikacione dhe që kanë kërkuar ndihmë spitalore.
“Të regjistruar që nga fillimi i epidemisë kemi rreth 3500 raste pediatrike pozitive prej të cilëve vetëm 5% kanë kërkuar ndihmë spitalore, pra që kanë paraqitur komplikacione të aparatit respirator apo komplikacionin e përshkruar dhe në vende të tjera të botës siç është përgjigje inflamatore multisistemike.
Kemi kapacitete të lira për hospitalizimin e fëmijëve në qoftë se do të jetë e nevojshme dhe po kështu skenarë në vazhdimësi për të ndihmuar në raste të kërkesës së rritur për hospitalizim.
Rastet e fataliteteve tek fëmijët mbeten në shifrën e një rasti që është raportuar”, shpjegoi mjekja.
