TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një i ri ekstradohet drejt Italisë, kurse një tjetër shqiptar eshte ekstraduar nga Franca drejt Tiranës pasi kanë llogari të hapura me drejtesinë për vepren penale të vrasjes.
Policia e Shtetit njofton se “drejt Italisë u ekstradua shtetasi në kërkim ndërkombëtar A.Rr., 23 vjeç, banues në Shkodër, i kerkuar per vrasje”.
Nderkohe qe nga Franca u ekstradua shtetasi K.S., 29 vjeç, banues në Tiranë, pasi Gjykata e Apelit Tiranë e ka dënuar me 6 vjet burg për veprën penale,” Vrasje me dashje e mbetur në tentativë”.
Njoftimi i Interpolit
Gjatë 24 orëve të fundit u kryen 2 ekstradime, për autorë për krime kundër personit
Interpol Tirana ekstradoi drejt Italisë, shtetasin në kërkim ndërkombëtar A.Rr., 23 vjeç, banues në Shkodër. Gjykata e Cuneo, Itali, ka lëshuar urdhrin e arrestit me burg për veprat penale “Vrasja dhe vrasja e mbetur në tentativë” dhe “Mbajtja pa leje e armëve të zjarrit”.
Interpol Tirana ekstradoi nga Franca, shtetasin K.S., 29 vjeç, banues në Tiranë, pasi Gjykata e Apelit Tiranë e ka dënuar me 6 vjet burg për veprën penale,” Vrasje me dashje e mbetur në tentativë”.
Interpol Tirana vijon punën në bashkëpunim të ngushtë me homologët për identifikimin dhe kapjen e personave të shpallur në kërkim ndërkombëtar nga Interpoli.
