TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
“Movimento 5 Stelle”- M5S (në shqip “Lëvizja pesë yjet”) është një parti politike në Itali, e cila, sipas exit-polleve italiane ka dalë partia e parë në zgjedhjet e 4 marsit në Itali. Luigi Di Maio është aktualisht udhëheqësi i saj.
M5S u themelua, më 4 tetor 2009 nga Beppe Grillo, një komedian dhe bloger popullor, dhe Gianroberto Casaleggio, një strateg i faqeve të internetit.
Pas vdekjes së Casaleggio në prill të vitit 2016, Grillo caktoi një Drejtori të përbërë nga pesë deputetë kryesorë (Alessandro Di Battista, Luigi Di Maio, Roberto Fico, Carla Ruocco, Carlo Sibilia), që zgjati deri në tetorin e ardhshëm, dhe shpalli veten "kreu politik".
Formalisht, Grillo është gjithashtu president i shoqatës me emrin "Lëvizja pesë yje”.
Më 21-22 shtator 2017, nënkryetari i Dhomës së Deputetëve, Luigi Di Maio u zgjodh me votim në internet, me 82% të votave, kandidat për kryeministër dhe "kreu politik" i lëvizjes, duke zëvendësuar Grillon si udhëheqës i M5S.
M5S konsiderohet në mënyrë të ndryshme populiste, anti-establishment, ambientaliste, dhe euroskeptike.
Anëtarët e saj theksojnë se M5S nuk është një parti, por një "lëvizje" dhe nuk mund të përfshihet në paradigmën tradicionale të majtë-djathtas.
"Pesë yjet" janë një referencë për pesë çështjet kyçe për partinë: uji publik, transporti i qëndrueshëm, zhvillimi i qëndrueshëm, e drejta për qasje në internet dhe ambientalizëm.
Partia gjithashtu mbron e-demokracinë, demokracinë e drejtpërdrejtë, parimin e "politikës me kosto zero", degradimi, dhe jo-dhunë. Në politikën e jashtme, M5S ka kundërshtuar ndërhyrjet ushtarake të Perëndimit në Lindjen e Mesme të Madhe (Afganistan, Irak, Libi si dhe çdo nocion ndërhyrjesh amerikane në Siri.
Në zgjedhjet e përgjithshme të vitit 2013, M5S ishte partia më e votuar (me përjashtim të italianëve jashtë vendit) për Dhomën e Deputetëve, por mori vetëm 109 deputetë nga 630 për faktin se refuzoi të formojë një koalicion.
Dy anëtarë të partisë, Virginia Raggi dhe Chiara Appendino, u zgjodhën përkatësisht kryetarët e bashkive të Romës dhe Torinos në vitin 2016.
