TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ndonëse Policia ka shtuar masat për monitorimin e automjeteve gjatë këtij sezoni veror, ku edhe trafiku është tejet i rënduar pothuajse në të gjithë territorin, drejtuesit e mjeteve vazhdojnë të shkelin rregullat e qarkullimit rrugor.
Në njoftimin e Policisë së Shtetit, bëhet me dije se në vetëm tri ditë, ka pasur 1350 raste shkeljesh të rregullave të qarkullimit rrugor në Tiranë të konstatuara nga ana e policisë rrugore.
Rastet e shkeljeve të rregullave në të shumtën e rasteve bëhen burim për aksidente me pasoja për jetën dhe shëndetin e përdoruesve apo qytetarëve.
Njoftimi i policisë:
Tiranë
Krahas patrullimeve me përzgjedhje, për evidentimin e shkeljeve, që janë burim i shtuar për aksidente me pasoja për jetën dhe shëndetin e përdoruesve, rrugorët e kryeqytetit, tre ditët e fundit kanë shtuar ndjeshëm prezencën dhe fokusin e patrullave, për evidentimin dhe dokumentimin e parkimeve të gabuara në kryeqytet.
Në sajë të këtyre patrullimeve, vetëm 72 orët e fundit janë konstatuar dhe proceduar administrativisht 1 350 mjete të ndryshme, për pushim dhe qëndrim të gabuar, kryesisht në trotuar, në vendet e rezervuara, në vendkalim këmbesorësh, në rresht të dytë etj.
