TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Agjencia për Media dhe Informim (MIA) ka reaguar lidhur me pamjet që po qarkullojnë në rrjetet sociale, ku shfaqen mjete ushtarake në rrugët e një qyteti, duke sqaruar se ato nuk i përkasin Shqipërisë.
Përmes një postimi në rrjetet sociale, MIA u ka bërë thirrje qytetarëve të tregojnë kujdes me informacionet dhe videot që hasin në internet, duke theksuar rëndësinë e verifikimit të vërtetësisë së tyre përpara se t’i besojnë apo t’i shpërndajnë.
“Ju lutemi, tregoni kujdes me informacionet dhe videot që hasni online. Mos i besoni dhe mos i shpërndani pa verifikuar më parë vërtetësinë e tyre”, thekson MIA.
Agjencia ka nënvizuar gjithashtu se parandalimi i përhapjes së lajmeve të rreme është përgjegjësi e çdo qytetari.
“Përgjegjësia për të ndalur përhapjen e informacionit të rremë nis nga secili prej nesh”, thekson Agjencia për Media dhe Informim.
