TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti Ilir Meta i ka drejtuar një letër urimi Papa Françeskut ll, i cili feston ditën e emrit.
Sot është festa e Shën Gjergjit dhe Papa ka festën e emrit pasi ai emrin e vërtetë e ka Jorge Mario Bergoglio me të cilin është pagëzuar.
Meta thotë se fjalët inkurajuese të tij dhe meshat që mban çdo mëngjes në Vatikan janë domethënëse për përballimin me guxim të pandemisë.
Po ashtu Meta i shpreh mirënjohje Papës për mbështetjen ndaj popullit shqiptar.
URIMI I METËS
Shenjtëria Juaj,
Sot mё 23 prill Kisha Katolike kremton festën e Shën Gjergjit martir e Ju Shenjtёri, qё nё pagёzim keni marr emrin Jorge (Gjergj), kremtoni ditёn e emrit.
Edhe dita e djeshme ishte e rёndёsishme pёr Ju pasi më 22 prill të vitit 1973 keni bёrё kushtet e përjetshme në jetën rregulltare, jeni bërë pёrfundimisht jezuit, pas njё rrugёtimi tё nisur më 11 mars të vitit 1958.
Shenjtёria Juaj, fjalët inkujaruese, plot shpresё e vёllazёrim pёr besimtarё e jo besimtarё, në rrethanat e vështira të kohёs sё koronavirusit qё Ju çdo ditё i transmetoni njerёzimit, gjatёs Meshёs qё kremtoni çdo mёngjes nё Shёn Martё, nё Vatikan, janё posaçёrisht domethёnёse pёr tё gjithё nё pёrballimin e pandemisё me guxim e solidaritet.
Sot, nё pёrkujtimin e Shёn Gjergjit, urime tё sinqerta e tё pёrzemёrta pёr Ditёn e emrit tuaj, Jorge.
Faleminderit Ati i Shenjtë për urtësinë dhe inkurajimin që na transmetoni në këtë periudhë kaq të vështirë për t’u jetuar dhe për t’u kuptuar.
Shenjtёri, ju shoqёrojmё me lutje e mirёnjohje pёr gjithçka bёni edhe pёr popullin shqiptar.
https://www.facebook.com/ilirmetazyrtar/posts/2955673827812204
