TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kjo është hera e parë që qeveria mbyllet në një kohë kur e njëjta parti, Republikane, kontrollon Kongresin dhe Shtëpinë e Bardhë.
Shtëpia e Bardhë ka akuzuar Demokratëtë, se kanë "vendosur politikën mbi sigurinë kombëtare, familjet e ushtarakëve, fëmijët në nevojë dhe mundësinë që shteti ti shërbejë të gjithë amerikanëve".
Por, lideri i demokratëve në Senat, Chuck Schumer, u shpreh se Presidenti Trump, ka refuzuar dy marrëveshje bipartizane që synonin kompromisin.
Hera e fundit që qeveria amerikane u mbyll, ndodhi në vitin 2013 dhe zgjati 16 ditë.
Çfarë është mbyllja e qeverisë?
Që prej ditës së shtunë, shumë agjensi federale nuk do të jenë të hapura, megjithatë disa shërbime bazë do të vazhdojnë të ofrohen për njerëzit.
Shumica e punonjësve të departamenteve të mjedisit, edukimit, strehimit dhe tregëtisë nuk do të paraqiten në punë, derisa qeveria të hapet sërish. Gjithashtu një pjesë e madhe e punonjësve të departamenteve të thesarit, shëndetësisë, mbrojtjes dhe transportit, nuk do të paraqiten në punë ditën e hënë.
Megjithatë, shërbimet bazike si mbrojtja e "jetës dhe pronës", do të vazhdojnë. Këtu përfshihen, siguria kombëtare, shërbimet postare, kontrolli i trafikut ajror, shërbimet mjekësore, shërbimet e emergjencës dhe të katastrofave natyrore, burgjet, shërbimet e taksave dhe energjisë.
Burimi: BBC / TPZ.AL
