AKTUALITET, 29 Shtator 2021, 10:25

Kryetarja e opozitës bjelloruse do të vizitojë nesër Shqipërinë, do të takohet me Ramën

Kryetarja e opozitës bjelloruse do të vizitojë nesër
Liderja e opozitës bjelloruse Sviatlana Tsikhanouskaya, do të vizitojë nesër Shqipërinë me ftesë të kryeministrit Edi Rama. Lajmin e ka bërë me dije vetë ajo përmes një postimi në rrjetet sociale. Ajo shkruan se në qendër të diskutimeve do të jetë angazhimi i Shqipërisë në OSBE për krizën e Bjellorusisë.. “Jam e lumtur të njoftoj vizitën time në Shqipëri nesër me ftesë të kryeministrit Edi Rama. Do diskutojmë për angazhimin e Shqipërisë në OSBE në lidhje me krizën e Bjellorusisë dhe anëtarësimin e ardhshëm të Shqipërisë në Këshillin e Sigurimit në OKB”, shkruan ajo. Tsikhanouskaya ishte sfiduesja kryesore e Lukashenkos në zgjedhjet e gushtit 2020 që opozita dhe shumë qeveri perëndimore i konsiderojnë të manipuluara. Ajo u largua nga vendi pas zgjedhjeve ndërsa qeveria e Lukashenkos shtypi protestat.