TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Sulmi i SHBA-së ndaj Sirisë ka bërë nostalgjik edhe ish-kryeministrin Fatos Nano.
Me një foto në rrjetin social “Facebook”, ai kujton takimin me ish-Sekretarin Amerikan të Mbrojtjes, Donald Rumsfeld.
Duket se kjo foto është hedhur në përkujtim të vizitës së rëndësishme të Rumsfeld gjatë qeverisjes së Nanos 2002-2005, për mbështetjen që Shqipëria i dha fillimit të luftës në Irak nga ana e SHBA-së dhe Presidentit Amerikan, Xhorxh W. Bush.
Shqipëria ishte ndër të paktat vendet e para në Europë që mbështeti këtë luftë përkundër heshtjes së vendeve të mëdha europiane, gjë që u vlerësua shumë në atë kohë.
Pak kohë më vonë, presidenti amerikan si vlerësim emëroi dhe ambasadorin amerikan në Shqipëri Xhejms Xhefri si përfaqësuesin e parë të vendit të tij në Irak pas ndërhyrjes.
Në foto Nano është me ish-Ministrin e Mbrojtjes, Pandeli Majko, sot Ministër për Diasporën dhe Zëdhënësin e Qeverisë së Shqipërisë, Aldrin Dalipi, sot kryetar i Këshillit Bashkiak të Tiranës.
Takimi ka patur një vëmendje të lartë mediatike ndërkombëtare, dhe ndërsa amerikanët e përdorën për t’iu dhënë një mesazh vendeve të tjera europiane për mbështetje.
