TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ilir Metës nuk i del e keqja me ndërkombëtarët. Edhe nga lartësia e maleve ku ka filluar pushimet ai ka publikuar një video mëngjesin e sotëm, ku ngre një pyetje për ata që i quan si të paanshëm, por që ia kalojnë në anshmëri edhe kryeministrit.
“Pse nuk keni sy për të parë apo veshë për të dëgjuar zgjidhjen e krizës që ka dhënë një institucion që ekziston, por ia kërkoni zgjidhjen një institucioni që nuk ekziston, falë edhe paanësisë tuaj tepër të vonuar?
Kaq të domosdoshëm e keni dështimin e çeljes së negociatave për vendin tonë në 18 tetor?”- pyet Meta.
Në fakt, një ditë më parë, zëvendësndihmës sekretari i shtetit Palmer propozoi si zgjidhje të krizës për zgjedhjet lokale ngritjen e Gjykatë Kushtetuese dhe shqyrtimin e tyre prej saj.
Ndërsa Meta në konferencën e tij për shtyp, deklaroi se vendimet e Kushtetueses edhe po të ngrihen nuk kanë efekt prapaveprues, ndaj ai propozoi si zgjidhje zgjedhje të trefishta në 13 tetor.
Prandaj menjëherë pas intervistës së Palmer ai ngre pyetjen: “pse nuk doni zgjidhjen e krizës që ka dhënë një institucion që ekziston, por ia kërkoni zgjidhjen një institucioni që nuk ekziston”?
Postimi i Metës:
Mirëmëngjes të dashur miq!
Pas një terapie me ujë bore, më lindi një pyetje që dua ta ndaj me ju, dhe që u drejtohet atyre të cilët bëjnë si të paanshëm, pasi kanë shkëlqyer me njëanshmërinë e tyre, duke ia kaluar dhe Kryeministrit tonë, i cili në fund të fundit përfaqëson një anë politike:
Pse nuk keni sy për të parë apo veshë për të dëgjuar zgjidhjen e krizës që ka dhënë një institucion që ekziston, por ia kërkoni zgjidhjen një institucioni që nuk ekziston, falë edhe paanësisë tuaj tepër të vonuar?
Kaq të domosdoshëm e keni dështimin e çeljes së negociatave për vendin tonë në 18 tetor?
Ju uroj një fundjavë të mbarë!
