TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ministri i drejtësisë i Qipros ka dhënë dorëheqjen pas vrasjes së shtatë grave dhe vajzave emigrante, në një rast që nuk u zbulua për gati tre vjet.
Lonas Nicolaou deklaroi se po largohej nga posti i tij për arsye të “përgjegjësisë politike”, duke shtuar se ai nuk ishte i përfshirë personalisht në këtë rast. Zyrtarët akuzohen se nuk kanë hetuar siç duhet raportet e personave të zhdukur sepse viktimat ishin emigrantë.
Oficeri ushtarak grek Nikos Metaxas, 35-vjeçar, ka pranuar se ka vrarë shtatë gra të huaja, përfshirë edhe dy vajza. Ai u arrestua më 14 prill në një hetim për vrasje të nisur pasi 39-vjeçarja Mary Rose Tiburcio nga Filipinet u gjet e vdekur në perëndim të Nicosias.
Ndërsa, janë gjetur mbetjet mortore të katër grave ndërsa policia ende po kërkon kufomat e tre viktimave tjera. Të gjitha viktimat ishin gra emigrante që kishin ardhur në Qipro për të punuar. Administrata e Qipros kërkoi ndihmë nga ekspertët britanikë për rastin e vrasësit serik që u etiketua si rasti i parë i këtillë në ishull.
