Sipas Alibeaj, ky dokument fakton se Tahiri kishte lidhje me Artan Habilajn dhe e shfrytëzonin makinën e ish-ministrit Audi të dy së bashku edhe përtej periudhës që ka deklaruar vetë Tahiri në media.
“Kam depozituar një dokument që fakton bashkëpunimin mes Tahirit dhe një nga anëtarët e bandës, Artan Habilaj. Ky dokument i sigurimit të makinës së njohur Audi AA003 GB në përmbajtje ka dy emra si përdorues, Tahirin dhe Artan Habilaj, tregon faktin e bashkëpërdornin këtë makinë si imunitet për trafikun e drogës brenda dhe jashtë vendit.
Polica e sigurimit mban datën 2 prill 2015 kohëzgjatje deri në 1 prill 2016, periudhë përtej datës që është pretenduar, pra deri më 2014, kohë e cila Dritan Zagani bëri denoncimet e tij, me këtë aleancë mes ish -ministrit dhe Habilajve, Inkurajor prokurorinë e krimeve të rendë që ta hetojë këtë dokument me përparësi”, tha Alibeaj.
