TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia në Greqi ka arrestuar shtatë vetë që kanë ngjyer me të gjelbër tonë të tëra vaj luledielli dhe e kanë shitur si vaj ulliri.
Prokuroria greke bëri të ditur të dielën (26.11), se në Greqi janë shitur shumë tonë vaj luledielli si vaj ulliri. Ajo akuzoi shtatë persona, që e kanë ngjyer vajin e lulediellit të verdhë në ngjyrë të gjelbër, në mënyrë që të duket si vaj ulliri. Ky vaj i falsifikuar është eksportuar edhe në Gjermani.
Policia arrestoi të dyshuarit - një familje me katër anëtarë dhe tre të afërm - në qytetin Larissa. Vaji i falsifikuar u është shitur në enë pesëlitroshe konsumentëve grekë dhe është eksportuar në mbajtëse një tonëshe vaji, kryesisht në Gjermani. Policia gjeti në vend pesë tonë vaj të falsifikuar, i cili nuk qe paketuar ende dhe dymbëdhjetë mbajtëse, të destinuara për eksport.
Produkti shitej si "Vaj ulliri ekstra i pastër, direkt nga prodhuesi". Në Greqi, një vaj i vërtetë i tillë kushton nga 26 deri 30 euro. Policia pati arrestuar më parë rreth 60 tregtarë të vajit të falsifikuar dhe vetëm më vonë konstatoi se ku ndodhej qendra e dyshuar e mashtrimit.
