Me 80 vota pro, minimumin e nevojshëm, Kuvendi miratoi dje demarkacionin me Malin e Zi pas katër herë ndërprerjesh për shkak të gjuajtjes me gaz nga Vetëvendosje.
Marrëveshja midis Kosovës e Malit të Zi për përcaktimin e vijës kufitare midis dy vendeve, është një prej kushteve për vazhdimin e udhëtimit drejt BE-së.
Kjo marrëveshje është nënshkruar në Vjenë (më 26 gusht 2015). Por, ndërsa nga opinioni malazez lajmi është mirëpritur, në Kosovë ka shkaktuar shqetësime shtesë, si një tkurrje e re e territorit të Republikës, padrejtësi e radhës.
