Në janar të këtij viti këngëtari i njohur, Ricky Martin dhe partneri i tij Jwan Yosef u bënë prindër të një vajzë. Nëpërmjet një nëne surrogate në jetë erdhi vogëlushja e tyre, Luçia.
Lajmin e bëri të ditur këngëtari nëpërmjet një postimi në Instagram, ku tregonte edhe emocionet e para.
Gjatë kësaj kohe ai ka preferuar që imazhin e së bijës të mos e bëjë publik, megjithatë teksa ndodhen me pushime nuk ka ngurruar ta prezantojë për herë të parë me ndjekësit e tij në Instagram.
Ai ka publikuar një foto ku shfaqet krahas vogëlushes së tij, e cila duket shumë topolake.
“Drita e syve të mi”, shkruan këngëtari krahas fotos.
Luçia nuk është fëmija i vetëm i familjes, pasi këngëtari është edhe baba i binjakëve, Valentino dhe Matteo, të lindur nga një nënë surrogate në 2008-ën.
