TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ambasadori i BE-së në Tiranë, Luigi Soreca ka përsëritur sot thirrjen për kompromis mes opozitës dhe qeverisë.
Duke folur për reformën zgjedhore, ambasador ka nënvizuar domosdoshmërinë për marrjen e masave në respekt të zbatimit të rekomandimeve të OSBE-ODIHR.
“Reforma zgjedhore mund të kryhet me ndryshime legjislative, por edhe me hapa që ndërmerren nga ana e qeverisë, e kemi ftuar qeverinë të marrë masa, p.sh për shitblerjen e votave. Kur them që ka disa gjëra që mund të bëhen nga Qeveria në këtë fushë, dhe këto janë gjërat që opozita i ka kërkuar, ka të bëjë me rekomandimet e OSBE-ODIHR, disa kërkojnë ndryshime legjislative dhe të tjera ndërhyrje nga qeveria”- tha ai.
Me heret, Soreca, gjate fjales ne aktivitetin për ngritjen e sistemit elektronik të deklarimit të pasurisë, tjeksoi se BE kembengul ne luften kunder korrupsionit. “Ne qëndrojmë të bashkuar kundër korrupsionit dhe ndajmë barrën e kësaj lufte. Kjo luftë kërkon vullnetin politik të autoriteteve përgjegjëse dhe përkatëse ne vend. Këto autoritete janë marrësit e parë të këtij mesazhi nga BE”- tha ai.
Sipas tij, “Lufta kundër korrupsionit është një nga prioritetet kyçe për Shqipërinë për të ecur drejt BE”.
