TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Nga një operacion i Policisë italiane në komunën e Frascati-t janë shpërbërë dy banda shqiptarësh, që kishin si veprimtari trafikun e drogës dhe të klandestinëve drejt Anglisë, përmes falsifikimit të dokumenteve identifikuese.
Forcat policore kanë vënë në zbatim 11 masa “arrest me burg”, 2 masa sigurie “arrest shtëpiak” dhe 5 të tjera për “detyrim paraqitjeje”.
Sipas informacioneve të bëra të ditura nga Policia, kapja e një gruaje në aeroportin e Londrës me një kartë identiteti me emër italian, qe ndihmesa që shërbeu për zbulimin e kësaj veprimtarie kriminale të përmasave të mëdha.
Nga hetimet e mëpasshme u zbulua se Italia ishte baza e këtij rrjeti të mirëorganizuar që drejtohej nga shtetas shqiptarë.
Klandestinët nga Shqipëria pasi kishin mbërritur në Itali, pajiseshin me dokumente false me emra italianë për t’u nisur drejt Anglisë.
Njëkohësisht me dërgesat e grupit të klandestinëve kundrejt pagesave, bandat kryenin edhe trafik droge, që transportohej me automjete deri në Romë. Në cilësinë e provës materiale, janë sekuestruar 150 kg marijuanë, si edhe doza kokaine dhe heroine.
