TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri Edi Rama, u shfaq sot në një konferencë për shtyp, i rrethuar nga 12 persona, të cilët i prezantoi si prefektët e rinj. Pa dhënë ndonjë shpjegim se përse u larguan prefektët e vjetër, të cilët i shkarkoi në bllok, Rama shpjegoi se roli i prefektit do të ndryshojë rrënjësisht. Ai listoi një numër detyrash për prefektët e rinj, ku spikat lufta kundër kanabisit.
"Jemi të angazhuar t'i shkojmë nga pas dhe t'i vëmë prapa hekurave, rrjetet dhe elementët kriminalë. Për të rimarrë për publikun asetet e tyre. Roli i prefektëve merr një rëndësi të veçantë."
Duket se kryeministri kërkon të pastrojë imazhin që po vërtitet në mendjet e shqiptarëve, të një qeverie ku ministri i brendshëm mund të ketë qenë i përfshirë direkt në trafikun e drogës. Mbetet e paqartë si do të ndihmojnë këta prefektë, në situatën e rëndë ku gjendet vendi, sa i përket kultivimit dhe trafikimit të lëndëve narkotike, megjithatë kryeministrin Rama, i cili i mendon më së shumti si operacione PR-i këto lëvizje, edhe mund ta ndihmojnë. /TPZ.AL/
Emrat e Prefektëve të rinj:
Kukës: Zenel Kuçana, kolonel në rezervë
Dibër: Nexhbedin Shehu, kolonol në rezervë
Shkodër: Çesk Milja, kolonel në rezervë
Lezhë: Gjergj Prendi, major në rezervë
Durrës: Roland Nasto, kapiten detar i rangut rezërve
Elbasan: Maksim Malaj, gjeneral major në rezervë
Fier: Baki Bala, kolonel në rezervë, dr.shkencash
Berat: Harrilla Dafa, kapiten i rangut të parë të forcave detare
Vlorë: Flamur Mamaj, ushtarak
Korçë: Dhori Spilloari, gjeneral brigade rezervë
Gjirokastër: Astrit Halili, ushtarak,
Tiranë: Suzana Jahollari, kolonele në rezervë
