AKTUALITET, 24 Gusht 2021, 08:55

Detaje nga vrasja në Lushnje, “Golf-i” i autorëve rezulton me targa të vjedhura, brenda tij gjenden dy kallashnikovë

Detaje nga vrasja në Lushnje, “Golf-i” i autorëve rezulton

Mjetit tip “Golf” që dyshohet se u përdor nga autorët e krimit në Lushnje rezulton me targa të vjedhura.

Ai u gjet i djegur në Thanasaj pak pas atentatit mbrëmjen e kaluar teksa gazetarja Dorjana Bezat raporton për Balkan Web se brenda mjetit janë gjetur dy armë tip kallashnikov.

Dyshohet se kallashnikovët janë armët që përdorën autorët e krimit për të kryer atentatin në lokal që la të vdekur pronarin Bledar Muça dhe të plagosur kunatin e tij, Judin Velo bashkë me 4 klientë të tjerë të rastësishëm .