Dalin pamjet nga terrori në Jalë, njerëzit vrapojnë dhe ulërasin. Policia hesht: S’gjetëm gëzhoja

Nga sherri i ndodhur mbrëmë në Jalë, është publikuar dhe një video. Sipas pamjeve të publikuara nga JOQ, shihen njerëzit që vrapojnë dhe ulërasin nga frika se mos dëgjohen të shtëna të tjera. Po kjo media bënë me dije se ngjarja ka ndodhur në lokalin e njohur në këtë vend, në “Folie Marine”, që është shumë i frekuentuar nga të rinjtë.

Del videoja nga Folie Marie/ Njerëzit shpërndahen të terrorizuar, njolla gjaku kudo on Vidnews.

Dhe pse pamjet tregojnë që të gjithë të pranishmit, vrapojnë që të largohen sa më shumë ose të fshihen, Policia e Vlorë ka heshtur. Burime nga blutë e Vlorës bëjnë me dije se kanë shkuar në vendngjajre, por nuk kanë gjetur asnjë gëzhojë dhe ndaj nuk kanë nisur asnjë hetim. Sipas tyre kjo ngjarje nuk ka ndodhur, pasi kur kanë shkuar ata në Jalë, s’kishte asnjë shenjë. Të shtëna me armë dhe terror në Jalë. Një sherr mes dy grupeve ka ndodhur pas mesnate. Mësohet se një person ka mbetur i plagosur dhe janë shkaktuar dëme të mëdha materiale. Ngjarja ka ndodhur në lokalin e njohur, Folie Marine. Policia e Vlorës mohon të ketë ndodhur: S’gjetëm asnjë gëzhojë.