TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ministri amerikan i Shëndetësisë dhe politikave sociale, Robert F. Kennedy Jr., e quajti Organizatën Botërore të Shëndetësisë (OBSH), një institucion “i fryrë në mënyrë burokratike” dhe “në grahmat e fundit”.
Kennedy e tha këtë në një video mesazh të shfaqur për zyrtarët shëndetësorë që u mblodhën sot në asamblenë vjetore të organizatës në Gjenevë.
Edhe pse Shtetet e Bashkuara janë donatori kryesor i agjencisë së OKB-së, përfaqësuesit e tyre shpallën tërheqjen nga organizata që në ditën e parë kur Donald Trump mori detyrën si president amerikan, duke e lënë OBSH-në me një mungesë të madhe në buxhet, të cilën shtetet anëtare po përpiqen ta zgjidhin këtë javë përmes reformave.
“I bëj thirrje ministrave të shëndetësisë nga e gjithë bota dhe OBSH-së që të e kuptojnë tërheqjen tonë nga organizata si një thirrje për t’u zgjuar”, tha ai në një video të regjistruar për Fox News, e cila më pas u transmetua në asamblenë në Gjenevë.
“Jemi tashmë në kontakt me vende me mendim të njëjtë dhe i nxisim edhe të tjerët të marrin në konsideratë mundësinë për t’iu bashkuar nismës sonë”, shtoi ai.
Fjala e tij nuk shkaktoi asnjë reagim nga anëtarët e asamblesë. Diplomatët dhe ministrat kryesisht e ndoqën fjalimin në heshtje.
Like many legacy institutions, the WHO has become mired in bureaucratic bloat, entrenched paradigms, conflicts of interest, and international power politics. While the United States has provided the lion’s share of the organization’s funding historically, other countries such as… pic.twitter.com/VvWbVBkb6M
— Secretary Kennedy (@SecKennedy) May 20, 2025
