TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ambasadori i Iranit , Sejjid Ali Mousavi, u thirr sot në Ministrinë e Jashtme Britanike , pasi në Londër u ngritën akuza kundër tre shtetasve iranianë për spiunazh për Teheranin, njoftoi Ministria e Jashtme.
Tre burrat, të moshës midis 39 dhe 55 vjeç, të akuzuar për spiunazh dhe përgatitje për akte të dhunshme në Britani, u paraqitën në gjykatë të shtunën në Londër.
“Mbrojtja e sigurisë kombëtare mbetet përparësia jonë absolute dhe Irani duhet të mbahet përgjegjës për veprimet e tij”, tha Ministria e Jashtme në një deklaratë.
Më herët gjatë ditës së sotme, Irani njoftoi gjithashtu se kishte thirrur të ngarkuarin me punë britanik për të protestuar kundër arrestimit të qytetarëve të tij, duke i përshkruar akuzat kundër tyre si “akuza të rreme”.
Mostafa Sepahvad, 39 vjeç, Farhad Javadi Manesh, 44 vjeç, dhe Shapour Kalekhali Hani Nouri, 55 vjeç, të tre banojnë në Londër, u arrestuan më 3 maj për pjesëmarrje në “akte që mund të ndihmojnë një shërbim të inteligjencës së huaj”, të cilat u kryen midis gushtit 2024 dhe shkurtit 2025, sipas autoriteteve britanike. Policia britanike tha se shteti i huaj ishte Irani.
Në fund të seancës së tyre gjyqësore të shtunën, ata u lanë në paraburgim dhe do të paraqiten për një seancë paraprake dëgjimore në gjykatën penale Old Bailey në Londër më 6 qershor.
Të tre mbërritën në tokën britanike “në mënyrë të parregullt, konkretisht duke hipur në anije të vogla midis viteve 2016 dhe 2022”, sipas qeverisë.
