TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas përgjimeve të “Bild” të cilat tronditën politikën shqiptare, Prokurorja e Krimeve të Rënda, Donika Prela në orën 15:00 do të dalë të flasë për mediat.
Ende nuk dihet me saktësi se çfarë do të flasë prokurorja Prela për këto përgjime kaq të bujshme.
Ditën e publikimit të përgjimeve reagoi edhe Prokuroria për Krimet e Rënda. Ajo nxori një urdhër, që të ndalohet publikimi i informacioneve nga dosja 339 si nga shtypi ashtu edhe nga ndonjë tjetër formë.
“Ndalimin e publikimit të akteve të procedimit penat Nr. 339, të vitit 2016, nëpërmjet shtypit ose çdo lloj forme tjetër informacioni masiv”, thuhet në urdhrin e Prokurorisë.
Disa ditë më parë prestigjiozja gjermane “Bild” publikoi audiopërgjime të reja lidhur me të ashtuquajturën “Dosja 339/1″një nga çështjet, hetimi i të cilës bëri që PD ta ketë si çështje kryesore në betejën për rrëzimin e qeverisë. Në përgjime dëgjohet Astrit Avdylaj, i cili përfshihet vetë në fushatën elektorale të PS.
Avdyli kërkon që miku i tij, Elton Arbana të jetë pjesë e listës së deputetëve në Durrës, dhe vë në dukje mbështetjen që familja Avdyli ka për deputetin Ilir Ndraxhi.
Në bisedat e publikuara Astrit Avdyli zotohet se rezultati i Partisë Socialiste në Durrës do të jetë spektakolar.
