TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gjatë një deklarate për shtyp ku foli për tërheqjen e mazhorancës nga procesi i Vettingut në Policinë e Shtetit, zëvendëskryetari i LSI-së Luan Rama ka komentuar dhe zhvillimet e sotme në zonën e Astirit.
Rama tha se banorët e Unazës së Re janë në të drejtën e tyre, po mbrojnë shtëpitë e tyre, ndërsa policia është duke tejkaluar ligjin.
“Meqenëse jemi dhe në këtë çast me një konfrontim të policisë te Unaza e Re, ku qytetarët protestojnë në të drejtën e tyre, për të mbrojtur pronën e tyre, për të mbrojtur shtëpitë e tyre dhe ku policia është në tejkalim të ligjit, kuptohet qartë se cila është arsyeja e tërheqjes nga procesi i Vettingut, e cila lidhet me përpjekjen për ta instrumentalizuar këtë proces dhe për të kontaminuar në këtë qëllim të mbrapshtë të qeverisë edhe vetë strukturën e policisë së shtetit.
Prandaj në shenjë reflektimi dhe përgjegjësie i kërkoj atij palo Parlamenti që ka mbetur që të mos i shtoj zullumeve dhe turpeve të veta edhe turpin e tërheqjes nga procesi i Vettingut në Policinë e Shtetit”, tha zëvendëskryetari i LSI-së, Luan Rama.
