TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Dy institucione, Operatori i Sistemit të Transmetimit si dhe Autoriteti Rrugor Shqiptar, i janë drejtuar kompanisë së sigurimit për konfiskimin e sigurimit të kontratës nga ana e kompanisë DH Albania, e cila ka mashtruar me dy tenderat e fituar.
Por duket se ky proces do të përfundojë në gjykatë, pasi kompania e sigurimit refuzon të paguajë. Sipas tyre mashtrimi që ka kryer firma DH Albania nuk është pjesë e riksut për të cilin është siguruar kontrata si dhe oferta.
Avni Ponari përfaqësuesi i një prej kompanive të sigurimit, tregon se nuk është në tagrin e tyre verifikimi i dokumentacionit që paraqet një firme, e cila ka lidhur marrëveshje me një ent publik.
Operatori i Sistemit të Transmetimit, kërkon sekuestrimin e shumës prej 144 milion lekë, ndërsa ARRSH këkron 269 milion lekë.
Por gjasat janë që ky proces do të përfudojë në kalvarin e drejtësisë dhe shteti shqipatar vështirë se do të përfitojë ndonjë qindarkë.
Kompani DH Albania një muaj nga krijimi i saj arriti të fitojë nëpërmjet mashtrimit dy tendera publikë me vlerë afro 30 milion euro. Por pas verifikimeve rezultoi, se ajo kishte flasifikuara dokumentat e depozituar në institucionet shqiptare.
Sipas Zërit të Amerikës, pas kësaj kompanie fshihet biznesmeni i njohur, Bashkim Ulaj.
