TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Djali i Kryebashkiakut të Bulqizës Lefter Alla, është arrestuar tre ditë më parë nga Policia e Tiranës.
Gazeta Mapo shkruan se Enio Alla u prangos, pasi iu gjet një sasi droge me vete. Ngjarja është mbajtur e fshehtë dhe asnjë njoftim nuk është bërë nga policia për ngjarjen.
Enio Alla ishte duke lëvizur në Tiranë, kur nga një kontroll rutinë i policisë, iu gjetën doza hashashi me vete. Djali i kryebashkiakut të Bulqizës e ka kundërshtuar ndalimin, por më pas u shoqërua nga policia.
Në muajin shtator vëllait të kryebashkiakut të Bulqizës iu bë atentat në një lokal. Vangjel Alla u plagos nga një plumb pistolete dhe dyshohet se shkak kanë qenë përplasjet mes grupeve kriminale në Bulqizë.
Brenda një muaji kryebashkiakut të Bulqizës Lefter Alla, i plagosin vëllain dhe i arrestojnë djalin me drogë. /Mapo
