TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia ka arrestuar dhe një tjetër person i cili dyshohet se është i përfshirë në skemën e tjetërsimit të pronave në Lezhë.
Panorama mësohet se i arrestuar është Lekë Frroku, të cilin e kanë arrestuar në afërsi të Rinasit gjatë një kontrolli të rastësishëm.
Sipas informacioneve në momentin e arrestimit Lekë Froku ka qenë në shoqërinë e dy femrave.
Mësohet se Frroku ka qenë një ndër organizatorët e skemës së tjetërsimit të pronave.
Njoftimi i policisë
Në vijim të Operacionit “Ranishtja 4” , ku u arrestuan 12 shtetas dhe u shpallen në kërkim 11 shtetas të tjerë, kapet dhe ndalohet një prej të shpallurve në kërkim.
Më datë 21.03.2017, rreth orës 17:00, nga Specialistët për Hetimin e Krimit Ekonomik Financiar në D.V.P. Lezhë, në bashkëpunim me Drejtorinë Operacionale në Policinë e Shtetit si dhe me Sektorin për hetimin e korrupsionit në Departamentin e Policisë Kriminale është bërë kapja dhe ndalimi i shtetasit :
-Lek Frroku, 47 vjeç, banues në Mamurras.
Ndaj këtij shtetasi Gjykata e Rrethit Gjyqësor Lezhë me Vendim Nr.86, datë 15.03.2018, ka caktuar masën e sigurisë “Arrest me burg”, për veprën penale “Falsifikim i dokumentave”.
Vijon puna për kapjen e personave të tjerë të shpallur në kërkim .
