TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
'Njeri jam edhe unë'- thotë Shefki Bylykbashi, 77-vjeçari i cili dyshohet se vrau djalin e tij pak ditë më parë në Maliq.
Sot, ai ka dalë para trupit gjykues, për t'u njohur me masën e sigurisë. I moshuari, mban kokën ulur mbi tavolinë e dukej shumë i shqetësuar.
‘Çfarë doni, ça jam i mbaruar nga trutë.’- dëgjohet të thotë ai në sallën e gjyqit.
Krimi brenda familjes ndodhi në fshatin Zvezdë të Maliqit tre ditë më parë por vetëm dy ditë më parë u zbulua. I moshuari, Shefki Bylykbashi dyshohet se ka vrarë djalin me çekiç pas një grindje të lindur për shkak të konsumit të alkoolit.
Familja e deklaroi ngjarjen si aksidentale por ekspertiza mjeko-ligjore provoi se Hamdi Bylykbashi ishte goditur në kokë me mjete të forta dhe më pas policia arriti të zbardhte të vërtetën.
50-vjeçari Hamdi Bylykbashi në gjendje të dehur ka debatuar shumë me të dy prindërit në oborrin e banesës së tyre, në qendër të fshatit.
