TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryetari i Partisë Demokratike, Sali Berisha ka mbërritur në SPAK.
Kryedemokrati do të pyetet pas 15 vitesh nga ngjarja, nga prokurorët për çështjen e 21 janarit.
Ai u pa teksa kaloi pragun e prokurorisë dhe në dorë mbante një dosje.
“Do të shkoj, nesër do të jem aty”, tha Berisha dje (18 nentor), duke e konsideruar si një hetim politik.
Kryedemokrati theksoi se më 21 Janar u tentua të pushtohej Kryeministria, teksa theksoi se ishte protesta më e dhunshme.
“PS kishte agjendë dhune, kuptohet pse përdoret dhuna”, tha ai, ndërsa u shpreh se Rama është përgjegjësi kryesor.
SPAK i dërgoi dy fletëthirrje në datat 3 dhe 7 nëntor. Pas refuzimit të së parës, SPAK ia dorëzoi të dytën në tre adresa (banesë, selinë e PD dhe Kuvend), por sërish nuk pranoi asnjërën.
Ndërsa herën e tretë SPAK ia dorëzoi Sali Berishës thirrjen në dorë, kur ai u paraqit për dosjen “Partizani”.
