TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Tirana do të jetë qendra e zhvillimeve rajonale më 21 nëntor, ku liderët e Ballkanit Perëndimor dhe Komisionerja e BE-së për Zgjerimin, Marta Kos, pritet të marrin pjesë në samitin e radhës që do të mbahet në Pallatin e Brigadave.
Samiti fokusohet te plani i rritjes ekonomike për rajonin, integrimi ekonomik dhe transformimi i tregjeve të vendeve të Ballkanit drejt standardeve të Bashkimit Europian. Diskutimet synojnë të përforcojnë rrugën e përbashkët të vendeve të rajonit drejt BE-së dhe të nxisin bashkëpunimin ekonomik.
Punimet do të nisin në orën 09:30 me deklaratat hyrëse, ndërsa 30 minuta më vonë kryeministri Edi Rama dhe komisionerja Marta Kos do të hapin zyrtarisht samitin.
Agjenda e Samitit (21 nëntor, Pallati i Brigadave)
09:30 – Mirëseardhja / Deklarata për mediat
10:00 – Nisja e punimeve të Samitit “Growth Plan”
Fjalë hapëse:
• Kryeministri i Shqipërisë, Edi Rama
• Komisionerja e BE-së për Zgjerimin, Marta Kos
11:30 – Foto familjare
11:35 – Konferencë për shtyp e kryeministrit Edi Rama dhe komisioneres Marta Kos.
