TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Studentët në Shqipëri shprehen se janë nën presion të vazhdueshëm nga pedagogët dhe stafet akademike për dhënien e ryshfetit në këmbim të notës. Në një anketë të zhvilluar me 750 studentë në 8 universitete të vendit, rreth 10% e tyre pranojnë se kanë dhënë ryshfet për të marrë notë.
Prezencën e korrupsionit në universitete e konfirmon edhe renditja e Transparency International për Shqipërinë. Shqetësim mbetet edhe futja në sistemin arsimor, si pedagogë, e gjyqtarëve apo prokurorëve të shkarkuar nga procesi i Vetingut.
Raporti u vlerësua nga drejtoresha e politikave antikorrupsion, e cila kërkoi që gjetjet të mos mbeten vetëm në kuadrin e perceptimeve, por të bazohen në fakte. Matjet mbeten të vështira, pasi shumica e studentëve nuk raportojnë rastet e ryshfetit. Zëri i reagimit duhet të vijë përmes denoncimeve, por shembuj të drejtësisë janë dhënë edhe përmes protestave studentore.
Shqipëria po kalon një periudhë të vështirë në fushën e arsimit. Numri i studentëve është në rënie, ndërsa shumë degë janë shpallur prioritet për shkak të rrezikut të mbylljes. Krijimi i një fryme profesionale dhe jo korruptive do të ndihmonte rritjen e cilësisë së arsimit në Shqipëri, një nga sektorët më të rëndësishëm për formimin e brezave të rinj.
