TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia belge ka kapur tre shqiptarë duke punuar në të zezë në një kantier ndërtimi në qytetin e Antwerpen, i cili sipas autoriteteve të këtij vendi është i pushtuar nga trafiku i drogës i bandave shqiptare.
Ato e përdorin portin e këtij qyteti për të trafikuar drogën e sjellë nga Amerika Latine drejt vendeve të tjera të Bashkimit Evropian. Por sot e kanë pësuar tre shqiptarë të cilët u kapën duke punuar në mënyrë ilegale në një kantier ndërtimi në këtë qytet.
Ata nuk ishin regjistruar si punëtorë nga punëdhënësi i tyre dhe pas një vendimi të Departamentit të Emigracionit të tre shqiptarët u transferuan në një institucion të mbyllur me qëllim riatdhesimin e tyre në Shqipëri, shkruajnë mediat belge.
Punëdhënësi i tyre është raportuar në institucionet përkatëse për shkeljet e punësimit “Tre punëtorët e kapur ishin të padeklaruar në punë” bën të ditur policia e Antwerp-it, e cila nënshtroi një kontroll ndaj 28 punëtorëve.
